Thursday, January 19, 2017

Test Of Minang Language As A Foreign Language (TOMAFL)

loading...
Kini ko sagalo harago naiak... bensin naiak, bareh naiak, gulo naiak, uang kuliah naiak...

Ciek harago diri yang turun kini nyo!! Yo ndak, sanak? Caliaklah, urang kini ndak ado malu lai manjua harago diri demi pitih.. keceknyo, kalau luruih-luruih bana zaman kini ko bisa ndak makan!

Naah... dari pado paniang kapalo mamikiakan harago naiak, rancak kito bagarah sabanta. 

Tau ndak sanak? Zaman kini ko awak harus menguasai bahasa Asing.. zaman serba sertifikat.. .contohnyo: kalau niio melamar karajo kini harus punyo sertifikat TOEFL... jan-jan bisuak kalau nio melamar anak gadih pun harus punyo sertifikat TMJ (tando masih bujang)... hehehe...

dek bitu, baa kalau kito buek pulo : 
Test of Minang Language As A Foreign Language atau disingkek : TOMAFL

Supayo tahu kito, yo lai sabana urang awak sanak ko...? Haaa.... Kok iyo santiang, co jawek soal ko yo!!


1. Jatuah tasanduang aka batang kayu katiko bajalan?
Tatilungkuik
Takalipek
Tatilantang
Tapalantiang

2. Jatuah dek kaki masuak ka selo2 lantai nan tabuek dari bambu katiko bajalan di rumah pangguang?
Tapuruak
Takapik
Tajilangkang
Tajilapak

3. katiko bajalan, indak maliek ado janjang dimuko mato, hilang kasaimbangan 2-3 langkah sudah tu tajatuah?
Talangkang
Tasanduang
Tatungkuik
Tajurambab

4. Tukang bareh sadang maangkuik bareh, ado lubang ketek di ujuang karuang, mako jatuah bareh dari karuang disabuik?
Jatuah badarai
Boco aluih
Taserak
Marano

5. Katiko manyubarang anak sungai nan dihubuangkan jo duo batang bambu, tibo-tibo di tangah-tangah hilang kasaimbangan, tajatuah ka kali. Apo namonyo kok lai tau?
Taambin
Ta aram
One Mandeee
Tagalincia

6. Kiper manahan bola jatuah, ditahan jo tangan sudah tu takilia disabuik?
Tapalikuak
Talendo
Tagurabeh
Sakik bana

7. Anak ketek jalan di tapi kolam, nampak dek nyo ado antu lalu, dek takajuik jatuahnyo ka kolam, disabuik?
Kanai sapo
Dilarikan urang bunian
Ditampa setan
Dikajuik an antu bulawu

8. Katiko mamanjek batang kayu, jatuah, tapi masih sempat mamacik rantiang2 sblm jatuah ke tanah, disabuik?
Tahampeh
Tagurabai
Tasialia
Tagalincia

9. Di saku ado kalereang. Ruponyo saku tu bolong, kalereang jatuah ciek ciek sampai abih, jatuahnyo kelereang disabuik?
Manggalindiang
Mangalicok
Cigin nyo
Maluncua

10. Kalau wak paniang manjawek, disabuik?
Paniang den
Ndak abeh di den
Sakik utan den
Baputa-puta palo den


Tulis jawaban sanak di Komentar!
loading...

0 komentar:

Post a Comment

Artikel ini belum lengkap tanpa komentar anda!
Silahkan berkomentar yang santun dan cerdas, tidak menghina, tidak memaki dan tidak menyebar kebencian. Terima kasih